منو احنا؟

<aside>

باكورة هي ستوديو براندنگ شخصي مقرّه ببغداد. نبني البراند الشخصي للمدراء التنفيذيين والقادة المشغولين عن طريق محتوى يعكس شخصيتهم الحقيقية ويجيبلهم انتشار حقيقي.

بصمتنا هي ريلز الـ edutainment (تعليم + ترفيه): سكربت قوي يتحول لفيديو بفيجوالز AI تطلع من الشاشة. انتشار عملائنا كبر بسرعة من بدينا، وهسة دنتوسع.

دنوظف أول مونتير بالفريق، شخص يكبر ويانا ويصير المونتير الرئيسي (Lead Editor) لمن يكبر الفريق.

</aside>

شنو ندور

<aside>

• مونتير عنده ذوق حقيقي، يحوّل السكربت والفوتج الخام لريلز تبين فخمة، مو سلوب بالـ AI.
• راح تشتغل على فيديوهات قصيرة (انستغرام، تيك توك، فيسبوك، لينكدإن) وحلقات بودكاست ومقاطع منها لعملائنا. </aside>

شراح تستفاد

<aside>

• شغل أونلاين بالكامل، والأوقات مرنة بشرط تلتزم بالمواعيد
• مكافآت: حوافز كل 3 اشهر + سفرة دورية كل سنة يلتقي بيها التيم كله
• مراتب واضحة للتطور: تترقى وراتبك يزيد حسب جودة شغلك، والراتب يجيك بوقته كل مرة
• طريق واضح لـ Lead Editor: راتب أكثر، مسؤولية أكثر، وفريق خاص بيك كلما توسعنا
• شغلك ينشاف: فيديوهاتك تنزل بأسماء مدراء ورجال أعمال حقيقيين
• إلك بصمة: تساعد ببناء ستايل جديد، مو بس تقلّد ستايل غيرك
• ملاحظات صريحة من مؤسسين يهتمون بالجودة، وراح تتطور بسرعة </aside>

شنو لازم يكون عندك

<aside>

• بورتفوليو لفيديوهات قصيرة نكدر نشوفها. ماكو بورتفوليو = ما نشوف طلب التقديم.
• قوي بـ DaVinci Resolve أو Premiere Pro. إذا تعرف After Effects أو Blender أو موشن گرافيك، فهذا شي كلش زين.
• تعرف تستخدم أدوات الـ AI (توليد صور وفيديو) كأداة، مو كطريق مختصر، وتعرف تخلي فيجوالز الـ AI تبين مقصودة وتناسب البراند.
• تفهم شلون تخلي المشاهد يكمّل الفيديو: الهوك، الإيقاع، كسر الملل، الكابشنات، والصوت. باقل ما يمكن، لان الاقل بالمونتاج تعتبر اكثر.
• جهازك يشغل 4K بدون مشاكل
• إنكليزي جيد جدا
• تكدر تشتغل ٧ ساعات باليوم على الأقل، وأوقاتك تتوافق ويا اوقات التواصل الطبيعية </aside>

شنو راح يكون شغلك

<aside>

• تمنتج الريلز من السكربت والفوتج الخام لحد التصدير النهائي: فيجوالز AI، كابشنات، موسيقى، مؤثرات صوتية وموشن گرافيك
• تمنتج حلقات بودكاست وتقطّعها لمقاطع قصيرة
• اعادة تدوير نفس الفكرة لكل منصة (انستغرام وتيك توك غير لينكدإن)
• تلتزم بكل موعد تسليم، وإذا اكو مشكلة تحجي من وكت، مو بيوم التسليم
• تسوي التعديلات بسرعة لحد ما يصير الفيديو يستاهل اسم العميل، واسمك
• ترتّب مشاريعك وملفاتك بحيث أي مونتير ثاني يكدر يكمّل عليها باجر
• بعدين هدفك تساعد بتدريب المونتيرية الجدد وتخلي شغل الكل بمستوى Bakorah </aside>

لا تقدم إذا

<aside>

• تريد تولّد جم مقطع بالـ AI، تلزگ عليهن كابشن وخلصت. شبعنا AI slop.
• تقلّد الترندات بدون ما تفهم ليش تنجح
• تعتبر التعديلات إهانة، أو تاخذ الملاحظات على نفسك
• تختفي أيام بدون ما تطمّنا
• تدور على روتين هادئ ومريح. احنا نتحرك بسرعة وننشر هواية. </aside>

قدم إذا

<aside>

• من ادز شغلك انت فخور انو هذا محسوب عليك.
• يهمك العميل يكون راضي فعلاً، مو بس "خلصت الشغلة"
• عندك ذوق: تميّز الريل الفخم من الرخيص، وتكدر تشرح ليش
• مهووس تتطور، مو بس بالمونتاج. يعني كل جوانب الحياة، من علاقاتك، صحتك و روحتك للجم.
• تريد تكبر ويه ستوديو على المدى الطويل، ويوم من الأيام تقود فريق </aside>

الخطوات الجاية

<aside>

جاهز؟ قدم من هنا: https://forms.gle/3XjJVpG2dgTzG5JZA

1. املي استمارة التقديم (تاخذ تقريباً 5 دقائق)
2. مكالمة قصيرة ويه المؤسسين
3. عرض عمل ونبلش شغل

نقرا كل طلب. إذا ترشحت، راح نتواصل وياك خلال 5 أيام.

</aside>